Doli në qarkullim libri “Kryepiskopi Anastas – Shërbëtor i Perëndisë në shumë vende”.
![Doli në qarkullim libri “Kryepiskopi Anastas – Shërbëtor i Perëndisë në shumë vende”.](https://www.orthodoxianewsagency.gr/wp-content/uploads/2024/06/Καταγραφή-7.jpg)
Libri, i ideuar në formë bashkëbiseduese ndërmjet z. Roberto Morozzo della Rocca (historian i Evropës Lindore) dhe z.Tomazzo Opocher (prift i angazhuar në takimin midis Katolicizmit dhe Lindjes) me Fortlumturinë e Tij, Kryepiskopin Anastas, flet për përvojën e gjatë hierapostolike të Kryepiskopit dhe thellësinë e mendimit të tij theologjik në këtë sferë.
Përvoja e personale e Kryepiskopit Anastas, Primat i Kishës Orthodhokse Autoqefale të Shqipërisë, është vërtet e veçantë. Përjetoi Luftën e Dytë Botërore, më pas pati një përvojë intensive hierapostullimi dhe një angazhim mjaft të gjatë në kërkimin shkencor, të cilat ndikuan në shërbimin e tij në botën bashkëkohore.
Me kërkesë të profesorit të historisë, Roberto Morozzo della Rocca-s, dhe të atë Tommaso Opocher-it, Kryepiskopi Anastas kujton me nostalgji jetën e tij në Pire, vendi ku lindi, nëpër botë dhe deri në Shqipëri, ku ndërmori veprën e mahnitshme të ringritjes së Kishës së Shqipërisë pas periudhës komuniste. Del në pah figura e një njeriu që është i aftë të kuptojë dhe përqafojë trajtat e ndryshme të spiritualitetit dhe të realitetit bashkëkohor.
Përballë krizave dhe luftërave të botës bashkëkohore, figura e Kryepiskopit Anastas shquhet për kultivimin e bashkekzistencës paqësore të popujve përmes dialogut dhe takimit, duke treguar respekt ndaj traditave të tyre historike.
H αναδημοσίευση του παραπάνω άρθρου ή μέρους του επιτρέπεται μόνο αν αναφέρεται ως πηγή το ORTHODOXIANEWSAGENCY.GR με ενεργό σύνδεσμο στην εν λόγω καταχώρηση.
Ακολούθησε το ORTHODOXIANEWSAGENCY.gr στο Google News και μάθε πρώτος όλες τις ειδήσεις.