FILLOJMË KRESHMËN E FJETJES SË HYJLINDËSES MARI (1-15 GUSHT)
![FILLOJMË KRESHMËN E FJETJES SË HYJLINDËSES MARI (1-15 GUSHT)](https://www.orthodoxianewsagency.gr/wp-content/uploads/2024/07/452700354_815519504002737_2119994098837375363_n.jpg)
E kremtja e Fjetjes së Hyjlindëses kremtohet në 15 gusht, e paraprirë nga dy javë kreshme.
Kjo festë, e cila quhet edhe “Marrja”, përkujton fjetjen, ngjalljen dhe lavdërimin e Nënës së Krishtit. Maria “u mor” nga Perëndia, në Mbretërinë Qiellore të Krishtit, në të përmbushurit e ekzistencës së saj trupore dhe shpirtërore.
Sikurse edhe për Lindjen e Virgjëreshës dhe në festën e Hyrjes së saj në Tempull, nuk kemi burime biblike apo historike. Tradita e Kishës thotë që Hyjlindësja fjeti, si të gjithë njerëzit, jo “vullnetarisht”, si Biri i saj, por, si pasojë e natyrës së vdekshme njerëzore, e cila është e lidhur në mënyrë të padukshme me prishjen e kësaj bote.
Kisha Orthodhokse na mëson se e Tërëshenjta Mari nuk ka mëkate personale.
Megjithatë, në Ungjillin e së kremtes, nëpërmjet shërbesës liturgjike dhe ikonës së Fjetjes, Kisha shpall se ajo me të vërtetë kishte nevojë të shpëtohej nga Krishti, ashtu si të gjithë njerëzit. Pasi vdiq, u ngjall nga Biri i saj si Nëna e Jetës dhe tani merr pjesë në jetën e amëshuar të Parajsës, e cila është përgatitur dhe i është premtuar të gjithë atyre që “e dëgjojnë fjalën e Perëndisë dhe e ruajnë atë” (Llukai 11:27-28).
KËTO DITË, ME 1-14 GUSHT (NGA E HËNA NË TË PREMTEN) KRYHET SHËRBESA LUTËSORE E KANONIT (PARAKLISIT) KUSHTUAR SË TËRËSHENJTËS MARI.
H αναδημοσίευση του παραπάνω άρθρου ή μέρους του επιτρέπεται μόνο αν αναφέρεται ως πηγή το ORTHODOXIANEWSAGENCY.GR με ενεργό σύνδεσμο στην εν λόγω καταχώρηση.
Ακολούθησε το ORTHODOXIANEWSAGENCY.gr στο Google News και μάθε πρώτος όλες τις ειδήσεις.