Berat, restaurim i afreskut në kishën e Shën Mitrit
![Berat, restaurim i afreskut në kishën e Shën Mitrit](https://www.orthodoxianewsagency.gr/wp-content/uploads/2018/12/alb1-17-1024x703.jpg)
TIRANË, 19 dhjetor /ATSH/ – Ikonat dhe afresket në vendin tonë tashmë po restaurohen nga specialistët për të qenë sa më të mirëmbajtura pasi ato tregojnë vlerën e besimeve fetare në vendin tonë dhe tashmë po kthehen në atraksion të turizmit religjoz.
Në Kishën e Shën Mitrit, në lagjen Kala, Berat specialistët po kryejnë një ndërhyrje emergjente në afreskun e kësaj kishe.
Specialistët e sektorit të artit të DRKK-Berat prej disa ditësh janë duke punuar në afreskun e kishës së Shën Mitrit. Ndërhyrja konsiston në konsolidimin e shtresës së suvasë me shtresën përgatitore në pjesën e hajatit. Një punë sa delikate dhe e domosdoshme për mbrojtjen e afreskut në kushtet e vështira të temperaturave të ulëta dhe lagështirës të muajve të dimrit.
Me pasionin, punën e imtësishme dhe dashurinë e padiskutueshme për trashëgiminë specialistët e DRKK Berat do bëjnë të mundur restaurimin e këtij afresku për ta shndërruar si vend atraksioni në ”Rrugët e Besimit” për vizitorët vendas dhe të huaj. /a.a/j.p/
H αναδημοσίευση του παραπάνω άρθρου ή μέρους του επιτρέπεται μόνο αν αναφέρεται ως πηγή το ORTHODOXIANEWSAGENCY.GR με ενεργό σύνδεσμο στην εν λόγω καταχώρηση.
Ακολούθησε το ORTHODOXIANEWSAGENCY.gr στο Google News και μάθε πρώτος όλες τις ειδήσεις.