U shenjtërua kisha e re e shën Nikollës, në Boboshticë
![U shenjtërua kisha e re e shën Nikollës, në Boboshticë](https://www.orthodoxianewsagency.gr/wp-content/uploads/2018/10/alb_2.jpg)
Të shtunën, shtator 2018, në fshatin Boboshticë të Korçës u krye Shërbesa e Shenjtërimit të kishës së Shën Nikollës, nga Mitropoliti i Korçës, Hirësi Joani.
Kryepiskopi Anastas ka kryer një prej vizitave të para në Shqipëri pikërisht në këtë fshat. Ndërsa u përball me pamjet e shkatërrimit, ai premtoi rindërtimin e kishës. Kështu dhe ndodhi; nën përkujdesjen e Fortlumturisë së Tij, Kryepiskopit Anastas dhe të Mitropolitit të Korçës, Hirësi Joanit, kisha u ndërtua nga themelet.
Imzot Joani në fund të Liturgjisë Hyjnore dhe ceremonisë, në fjalën e tij, foli në lidhje me shenjtërimin dhe rolin e rëndësishëm që ka në jetën tonë si dhe theksoi në fjalën e tij se besimi pa vepra nuk ka kuptim. Ai që me të vërtetë thotë që jam besimtar duhet që veprat e tij të udhëzohen nga përulësia e thellë dhe dashuria për të gjithë. Në fund, falënderoi Kryepiskopin Anastas për bujarinë e tij dhe ndihmesën e tij të jashtëzakonshme për ndërtimin e kësaj kishe, si dhe përgëzoi atë Mihail Larën dhe arkitektin Dhimitër Kondakçi për punën e tyre. Hirësi Joani mbylli ceremoninë me fjalët e Kryepiskopit Anastas i cili thotë:” Nuk na duhen vite të shumta, por vite të mira!!”.
Në mënyrë simbolike Mitropoliti mbolli në oborrin e kishës, një rrap.
Fshati Boboshticë është i njohur herët dhe përmendet shpesh dhe në histori për kulturën dhe nivelin e lartë të ndërgjegjësimit fetar të vetë banorëve. Ky fshat, para se diktatura komuniste të shkatërronte gjithçka, kishte 13 kisha dhe 3 manastire të rëndësishme. Një prej këtyre vendeve të shenjta, që njohu egërsinë e sistemit ateist, ishte dhe kisha e Shën Nikollës (Shën Kollit), nga e cila shpëtoi vetëm kambanorja, që ishte kthyer në stacion elektrik.
H αναδημοσίευση του παραπάνω άρθρου ή μέρους του επιτρέπεται μόνο αν αναφέρεται ως πηγή το ORTHODOXIANEWSAGENCY.GR με ενεργό σύνδεσμο στην εν λόγω καταχώρηση.
Ακολούθησε το ORTHODOXIANEWSAGENCY.gr στο Google News και μάθε πρώτος όλες τις ειδήσεις.