“პავლე მოციქული ურჩევს მორწმუნეებს დღევანდელი სამოციქულოდან (ეფესელთა 4: 1-7), ყოველივე თავმდაბლობის, თვინიერებისა და სულგრძელობის შემდეგ, მოითმინონ ერთმანეთი სიყვარულით… ამიტომ, ახლა, როდესაც ტაძრების კარები დაკეტილია, მოდით, გული ღიად შევინარჩუნოთ და გავუხსნათ უფალს”, – ამ სიტყვებით გაამხნევა ელადის (საბერძნეთი) მართლმადიდებელი ეკლესიის მღვდელმთავარმა, კორონიის მიტროპოლიტმა პანტელეიმონმა თავისი სამწყსო.
შეგახსენებთ, რომ საბერძნეთში სრული კარანტინი მესამე კვირაა, რაც გამოცხადდა. ელადის მართლმადიდებელი ეკლესიის წმიდა სინოდის გადაწყვეტილებით, სრული კარანტინისას, ტაძრებში მხოლოდ სამღვდელოება, მრევლის გარეშე აღასრულებს ღვთისმსახურებას.