მსოფლიო საპატრიარქოს წარმომადგენლები საქართველოში იმყოფებიან.ინფორმაცია „ინტერპრესნიუსს“ საპატრიარქოში დაუდასტურეს, თუმცა ვიზიტის კონკრეტული დეტალები და მიზანი ამ ეტაპზე არ კონკრეტდება.
ტელეკომპანია „რუსთავი 2“-ის ინფორმაციით, მსოფლიო საპატრიარქოს წარმომადგენლები ამ წუთებში თბილისის ერთ-ერთ სასტუმროში იმყოფებიან და საქართველოს საპატრიარქოს წარმომადგენლებს ხვდებიან.
ერთ-ერთი ვერსიით, მსოფლიო საპატრიარქოს წარმომადგენლები სრულიად საქართველოს კათოლიკოს-პატრიარქს შეხვდებიან და საუბარი უკრაინის ეკლესიის ავტოკეფალიას შეეხება.
