კიევ-პეჩერის ლავრაში 30 სასულიერო პირი კორონავირუსით დაინფიცირდა, – ამის შესახებ ინფორმაციას უკრაინული მედია ავრცელებს.
როგორც ჟურნალისტები იუწყებიან, მოსკოვის საპატრიარქოს უკრაინის მართლმადიდებელი ეკლესიის 44-მა სასულიერო პირმა კორონავირუსის ტესტი 4 აპრილს გაიკეთა.
აღმოჩნდა, რომ 30 მათგანს კოვიდ-19 დაუდასტურდა.
როგორც ცნობილია, კიევ-პეჩერის ლავარა 4 აპრილს მორწმუნეებისთვის დაიხურა.
მოგვიანებით გავრცელდა ინფორმაცია, რომ კორონავირუსის დიაგნოზი კიევ-პეჩერის ლავრის წინამძღვარს, მიტროპოლიტ პავლეს დაუსვეს.
— 1tv.ge