ღვთისმშობლის შობის დღესასწაულთან დაკავშირებით ტაძრებში საზეიმო ლიტურგია მიმდინარეობს
მართლმადიდებელი ეკლესია დღეს ღვთისმშობლის შობის დღესასწაულს აღნიშნავს. საზეიმო ლიტურგია ყველა მოქმედ ტაძარში მიმდინარეობს.
სრულიად საქართველოს-კათოლიკოს პატრიარქი ილია მეორე, მოსაყდრესთან ერთად, ღვთისმსახურებას სიონის ღვთისმშობლის მიძინების სახელობის ტაძარში აღავლენს.
ლიტურგიის დასრულების შემდეგ ილია მეორე მრევლს ქადაგებით მიმართავს. ღვთისმშობლის შობა ერთ-ერთია 12 საუფლო დღესასწაულს შორის. საეკლესიო გადმოცემით, ყოვლადწმინდა ღვთისმშობელი გალილეის ქალაქ ნაზარეთში დაიბადა. მამა, მართალი იოაკიმე, დავით მეფის ტომიდან იყო, ხოლო დედა, მართალი ანა – პირველი მღვდელმთავრის, აარონის შთამომავალი.
H αναδημοσίευση του παραπάνω άρθρου ή μέρους του επιτρέπεται μόνο αν αναφέρεται ως πηγή το ORTHODOXIANEWSAGENCY.GR με ενεργό σύνδεσμο στην εν λόγω καταχώρηση.
Ακολούθησε το ORTHODOXIANEWSAGENCY.gr στο Google News και μάθε πρώτος όλες τις ειδήσεις.