საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი) საქართველოს საპატრიარქოში წითელი ჯვრის საერთაშორისო კომიტეტის (ICRC) წარმომადგენლები მიიღო

შეხვედრაზე ისაუბრეს საქართველოში წითელი ჯვრის საქმიანობისა და საქართველოს საპატრიარქოსთან თანამშრომლობის გაღრმავების თაობაზე.
წითელი ჯვრის საერთაშორისო კომიტეტის საქართველოს დელეგაციის ხელმძღვანელმა ანა მონტავონმა და კავკასიაში უგზო-უკვლოდ დაკარგული პირების საკითხებში წითელი ჯვრის საერთაშორისო კომიტეტის დესპანმა ანიეს ქოთუმ ვრცლად იმსჯელეს საქართველოში ორგანიზაციის საქმიანობის შესახებ, საუბრისას განსაკუთრებული ყურადღება გამახვილდა ოკუპირებულ ტერიტორიებზე მიმდინარე აქტივობებზე.
შეხვედრაზე დაისახა სამომავლო გეგმები აფხაზეთსა და სამაჩაბლოში უგზო-უკვლოდ დაკარგულთა მოძიების, იდენტიფიცირებისა და მათ ოჯახებზე ზრუნვის

მიმართულებით.საქართველოს საპატრიარქოს საზოგადოებასთან ურთიერთობის სამსახური

H αναδημοσίευση του παραπάνω άρθρου ή μέρους του επιτρέπεται μόνο αν αναφέρεται ως πηγή το ORTHODOXIANEWSAGENCY.GR με ενεργό σύνδεσμο στην εν λόγω καταχώρηση.

Ακολούθησε το ORTHODOXIANEWSAGENCY.gr στο Google News και μάθε πρώτος όλες τις ειδήσεις.