Përfundon puna për restaurimin e Kishës së Shën Thanasit në Leshnicë.
Specialistë të DRKK Vlorë inspektuan punimet restauruese të kryera në këtë monument, të cilat konsistuan në konsolidimin e çarjeve në muraturë; ringritjen e kolonave, konsolidimin e kupolave dhe qemerëve egzistues me strukturë guri; ringritjen e murit anësor në pjesën jugore të kishës; ndërtimin e çatisë së narteksit; ndërhyrjen konsoliduese dhe restauruese në pikturën murale si dhe sistemimin e ambienteve të jashtme.
Kisha e Shën Thanasit, monument kulture i kategorisë së I, ju nënshtrua procesit të restaurimit, si pasojë e dëmtimeve të rënda të elementëve strukturorë të kishës. /a.a/ /a.g/
TIRANË, 22 dhjetor /ATSH/
