VIDEO/ Audioguida në muzeun “Onufri”, përshtypjet e turistëve të huaj
Sezoni turistik këtë vit ka ardhur me risi në muzeun Ikonografik “Onufri”, Berat për turistët vendas dhe të huaj.
Prej gati një muaji, për vizitorët e muzeut Ikonografik “Onufri” në Berat është në funksion audioguida në gjuhët shqip, anglisht, italisht dhe gjermanisht.
Turistë nga Italia dhanë përshtypjet e tyre të para pasi bënë një itinerar mjaft interesant me audioguidën në muzeun “Onufri”.
Ata u shprehën se i pëlqeu shumë dhe ishin të lumtur që kishin ardhur në këtë muze dhe këtë vizitë do j’ua rekomandojnë dhe miqve të tyre.
Guida u shprehën ata është shumë e mirë dhe muzika e përzgjedhur është shumë e bukur.
Gjithashtu turistët nga Italia thanë se, kjo guidë është tepër e detajuar dhe shpjegon në mënyrë perfekte kuptimin e çdo vepre në këtë muze.
Turistët përveç shërbimit që jepet nga guida profesionale e stafit të muzeut, kanë mundësi që në udhëtimin drejt thesareve të pajisen me audioguidë personale të realizuar në katër gjuhë shqip, anglisht, italisht dhe gjermanisht.
Muzetë e Beratit vijojnë të tërheqin dhe gjatë këtyre ditëve të para shtatori një numër të lartë turistësh, ku të huajt e kanë një ndër destinacionet e preferuara.
H αναδημοσίευση του παραπάνω άρθρου ή μέρους του επιτρέπεται μόνο αν αναφέρεται ως πηγή το ORTHODOXIANEWSAGENCY.GR με ενεργό σύνδεσμο στην εν λόγω καταχώρηση.
Ακολούθησε το ORTHODOXIANEWSAGENCY.gr στο Google News και μάθε πρώτος όλες τις ειδήσεις.
